Yevropa Ittifoqi noutbuklar uchun USB-C quvvatlash majburiyatini kuchga kiritdi

Yevropa Ittifoqi noutbuklar uchun quvvatlash standartlarini yangilash bo'yicha qabul qilgan qonun amalda. 2026 yil 28 apreldan boshlab, YeI hududida sotiladigan quvvati 100 vattgacha bo'lgan barcha yangi noutbuklar USB-C porti orqali quvvatlanishi majburiy etiladi. Ushbu tartib avval smartfonlar va planshetlar uchun ham joriy etilgan edi.

Ushbu yangi qoida noutbuk ishlab chiqaruvchilariga bir nechta majburiyatlar qo'yadi. Ular nafaqat mahsulotni USB-C porti bilan jihozlashlari, balki iste'molchilarga quvvatlagichsiz noutbukni sotish imkoniyatini ham taqdim etishlari kerak. Iste'molchilar quvvatlagichni alohida sotib olishni istab, tanlov qilishlari mumkin bo'ladi.

Qonun, allaqachon sotuvda mavjud bo'lgan, shuningdek, ishlatilgan yoki ta'mirlangan noutbuklarga ta'sir qilmaydi. Bundan tashqari, 100 vattdan ortiq quvvatga ega bo'lgan yuqori unumdorlikdagi noutbuklar, masalan o'yin noutbuklari va ish stantsiyalari maxsus ulagichlardan foydalanish huquqini saqlab qoladi, lekin ular ham USB-C orqali quvvatlanish imkoniyatiga ega bo'lishi shart.

Yevropa Komissiyasining hisob-kitoblariga ko'ra, bu choralar har yili 11 ming tonna elektron chiqindining oldini olishga yordam beradi. Shuningdek, iste'molchilarning ortiqcha quvvatlagichlarni sotib olish xarajatlaridan yuzlab millionlab yevrolarni tejash imkoniyati paydo bo'ladi. Ushbu yangilik iste'molchilar huquqlarini himoya qilish va atrof-muhitni muhofaza qilishga qaratilgan muhim qadam hisoblanadi.