Ijtimoiy tarmoqlarda o‘zining odob-axloq qoidalariga zid hamda bahsli chiqishlari bilan tanilgan aktrisa va bloger Nilufar Hamidova yana bir bor jamoatchilik e’tiborini o‘ziga qaratdi. Bu haqda Zamin.uz xabar berdi.
Uning xatti-harakatlari avval ham ko‘p bora davlat tashkilotlari hamda keng jamoatchilik tomonidan tanqid ostiga olingan bo‘lishiga qaramay, mazkur shaxs navbatdagi mojaroni keltirib chiqardi. Bu galgi holat aktrisaning jamoat joylarida, xususan, ko‘cha va bekatlar yaqinida tasvirga olgan videolavhalari bilan bog‘liq.
Ushbu harakatlar shahar aholisi hamda mehmonlar o‘rtasida jiddiy norozilik uyg‘otdi. Fuqarolar tomonidan bildirilayotgan e’tirozlarda mazkur kontentlar ijtimoiy me’yorlarga mutlaqo to‘g‘ri kelmasligi va atrof-muhitdagi tartibni buzayotgani ta’kidlanmoqda.
Hozirgi vaqtda yuzaga kelgan vaziyat yuzasidan tegishli organlar tomonidan o‘rganish ishlari boshlangan bo‘lib, holatga huquqiy baho berilishi kutilmoqda. Jamiyatda ma’naviy muhitni saqlash va jamoat tartibiga rioya qilish masalasi yana bir bor dolzarb mavzuga aylandi.
Izohlar
0