O‘zbekiston sanoat siyosatining ustuvor yo‘nalishlaridan biri xomashyoni eksport qilish amaliyotidan voz kechib, tabiiy resurslarni chuqur qayta ishlash asosida yuqori qo‘shilgan qiymatga ega raqobatbardosh tayyor mahsulotlar ishlab chiqarish tizimiga o‘tishdan iborat. Bu haqda Zamin.uz xabar berdi.
Ushbu strategik maqsadlar doirasida mamlakatda sanoat salohiyatini yuksaltirish va ishlab chiqarish zanjirlarini mahalliylashtirishga alohida e’tibor qaratilmoqda. Prezident Shavkat Mirziyoyev Buxoro viloyatiga amalga oshirgan tashrifi chog‘ida hududdagi sanoat infratuzilmasini ko‘zdan kechirdi.
Davlat rahbari Buxoro tumanida joylashgan Texnochem korxonasi faoliyati bilan yaqindan tanishdi. Tashrif davomida mazkur korxona negizida tashkil etilayotgan neft-kimyo klasterining istiqbolli rejalari va loyihaning hudud iqtisodiyoti uchun tutgan o‘rni muhokama qilindi.
Neft-kimyo sohasidagi ushbu loyihalar nafaqat import o‘rnini bosuvchi tovarlar ishlab chiqarish, balki yangi ish o‘rinlarini yaratish hamda mintaqaning eksport salohiyatini oshirishda muhim omil bo‘lib xizmat qiladi. Mutasaddilarga klaster faoliyatini kengaytirish va ishlab chiqarish jarayonlariga zamonaviy texnologiyalarni joriy etish bo‘yicha aniq ko‘rsatmalar berildi.
Izohlar
0