ALLTEN MCHJ axborot texnologiyalari kompaniyasi futbol akademiyalari hamda sport maktablari faoliyatini raqamlashtirishga qaratilgan yangi Skaut tizimini taqdim etdi. Bu haqda Zamin.uz xabar berdi.
Mazkur platforma CRM tizimi va maxsus mobil ilovalarni o‘z ichiga olib, sport muassasalari boshqaruvi uchun kompleks yechim hisoblanadi. Skaut tizimi yordamida akademiya rahbarlari moliyaviy hisobotlar, to‘lovlar va qarzdorlik holatini real vaqt rejimida nazorat qilish imkoniga ega bo‘ladilar.
Murabbiylar uchun mashg‘ulotlardagi davomatni qayd etish qulaylashsa, ota-onalar o‘z farzandlarining mashg‘ulotlar jadvali, davomat ko‘rsatkichlari va shaxsiy hisoblarini yagona interfeys orqali kuzatib borishlari mumkin. Ushbu dasturiy ta’minot an’anaviy qog‘oz daftar, Excel jadvallari va turli messenjerlardagi tartibsiz ma’lumot almashinuviga chek qo‘yib, boshqaruv jarayonini markazlashtiradi.
Tizimning joriy etilishi ma’muriy yuklamalarni kamaytirish va sport ta’limi sifatini oshirishga xizmat qiladi. Akademiya rahbarlari uchun doimiy muammo bo‘lib kelgan axborot tarqoqligi va nazoratdagi qiyinchiliklar endilikda avtomatlashtirilgan jarayonlar orqali bartaraf etiladi.
Izohlar
0