Xonanda Farrux Komilov «Shirchoy» ko‘rsatuvida shaxsiy hayotiga oid ayrim tafsilotlar bilan o‘rtoqlashdi. Bu haqda Zamin.uz xabar berdi.
Suhbat davomida san’atkor erta oila qurganini ta’kidlab, o‘zining 19 yoshida uylanganini ma’lum qildi. Xonanda bugungi kunda 16 yoshga to‘layotgan qizi bilan jamoat joylarida birga ko‘rinish berganida yuzaga keladigan noodatiy vaziyatlar haqida so‘zlab berdi.
Ko‘rsatuv boshlovchilari Farrux Komilovdan farzandi bilan turli manzillarga borganida atrofidagilar ularni qanday qabul qilishiga qiziqishdi. Xonandaning so‘zlariga ko‘ra, ko‘p hollarda odamlar ularni ota-qiz deb emas, balki er-xotin deb o‘ylashadi.
Bu kabi holatlar san’atkorning hayotida tez-tez uchrab turadi. Farrux Komilov qizi bilan munosabatlari juda yaqin ekanligini, tashqi ko‘rinishdagi o‘xshashliklar va yoshdagi farqning unchalik sezilmasligi odamlarda shunday noto‘g‘ri tasavvur uyg‘otishini qayd etdi.
U mazkur holatni hazilomuz tarzda qabul qilishini va bu kabi vaziyatlardan xijolat bo‘lmasligini qo‘shimcha qildi.
Izohlar
0