Makon onlayn telekanali asoschisi va direktori, taniqli boshlovchi Amirxon Umarov o‘zining shaxsiy hayotidagi muhim o‘zgarish haqida ma’lum qildi. Bu haqda Zamin.uz xabar berdi.
U yaqin kunlarda oila qurish niyatida ekanligini ijtimoiy tarmoqlardagi sahifasi orqali jamoatchilikka yetkazdi. Ushbu xushxabarni muxlislari bilan bo‘lishgan Amirxon Umarov ijtimoiy tarmoqqa joylashtirgan videolavhasida o‘zining hayotidagi yangi va mas’uliyatli bosqich boshlanayotganini qayd etgan.
Boshlovchi o‘z izohida inson hayotida shunday lahzalar bo‘lishini, ularni ta’riflash uchun oddiy so‘zlar yetarli emasligini va bunday tuyg‘ularni faqat qalb orqali his etish mumkinligini ta’kidlagan. Uning so‘zlariga ko‘ra, bugungi kun uning uchun aynan shunday quvonchli va unutilmas pallalardan biri hisoblanadi.
Mazkur e’lon ko‘plab kuzatuvchilar va hamkasblarning e’tiborini tortdi hamda ijtimoiy tarmoqlarda keng muhokamalarga sabab bo‘ldi. Amirxon Umarovning ushbu qarori uning shaxsiy hayotidagi yangi sahifani ochayotganidan dalolat beradi.
Izohlar
0