Ko‘pchilik salomatlikni mustahkamlash hamda uzoq umr ko‘rish maqsadida murakkab jismoniy mashqlar bilan shug‘ullanish yoki qimmatbaho dori vositalaridan foydalanish shart deb hisoblaydi. Bu haqda Zamin.uz xabar berdi.
Biroq zamonaviy tibbiy tadqiqotlar natijalari shuni ko‘rsatmoqdaki, inson organizmi uchun eng samarali va tabiiy shifo manbai bu oddiy piyoda yurishdir. Mutaxassislar fikriga ko‘ra, kundalik hayotda piyoda yurishga ajratilgan vaqt nafaqat jismoniy holatni yaxshilaydi, balki umumiy salomatlikni barqarorlashtirishga ham xizmat qiladi.
Eng muhimi, piyoda yurishning ijobiy ta’siri sarflangan daqiqalarga qarab bosqichma-bosqich namoyon bo‘ladi va organizmning chidamliligini oshiradi. Hatto qisqa muddatli sayrlar ham yurak-qon tomir tizimi faoliyatini yaxshilash, moddalar almashinuvini jadallashtirish hamda asab tizimini tinchlantirishda muhim ahamiyat kasb etadi.
Shuning uchun ham shifokorlar har qanday yoshdagi insonlarga ushbu sog‘lomlashtiruvchi odatni kundalik rejimga kiritishni tavsiya etishadi. Bu usul hech qanday maxsus jihoz yoki moliyaviy xarajat talab qilmaydigan, biroq organizm uchun juda foydali bo‘lgan universal vositadir.
Izohlar
0