Majburiy ijro byurosining Sirdaryo tuman bo‘limi xodimlari tomonidan sud qarorining ijrosini ta’minlash maqsadida navbatdagi amaliy choralar ko‘rildi. Bu haqda Zamin.uz xabar berdi.
Xususan, fermer xo‘jaliklaridan birining elektr energiyasi iste’moli uchun yuzaga kelgan 25 mln. 310 ming so‘mlik qarzdorligini undirish ishlari amalga oshirildi.
Mazkur holatda sud hujjati talablari belgilangan muddat ichida ixtiyoriy tartibda bajarilmagani bois, byuro inspektorlari qonunchilikda ko‘rsatilgan majburiy ijro choralariga murojaat qilishga majbur bo‘lishdi. Xususan, qarzdor fermer xo‘jaligiga tegishli bo‘lgan mol-mulklar ro‘yxatga olinib, xatlov jarayoni o‘tkazildi.
Shuningdek, xo‘jalikning bankdagi hisob raqamlariga nisbatan cheklovlar o‘rnatildi. Ko‘rilgan ushbu qat’iy choralar o‘z samarasini berdi va natijada 25 mln.
310 ming so‘m miqdoridagi qarzdorlik to‘liq undirilib, davlat budjetiga yo‘naltirildi. Ushbu holat sud qarorlarining ijrosini ta’minlash va kommunal to‘lovlar intizomini mustahkamlash borasida amalga oshirilayotgan ishlar doirasida qayd etildi.
Byuro organlari tomonidan bu kabi majburiy ijro harakatlari qonun ustuvorligini ta’minlash maqsadida davom ettirilmoqda.
Izohlar
0