Xitoyda Huawei Pura X Max birinchi kunda 97 ming nusxada sotildi

Xitoyda smartfonlar savdosi: Huawei Pura X Max bozorda yetakchilik qilmoqda

Xitoy bozorida 20-26 aprel kunlari davomida amalga oshirilgan smartfonlar savdosining dastlabki natijalari e'lon qilindi. Bu haqda Zamin.uz xabar berdi.

Digital Chat Station insayderi taqdim etgan ma'lumotlarga ko'ra, "Huawei Pura X Max" modeli birinchi kundagi faollashtirishlar soni bo'yicha eng yuqori ko'rsatkichni qayd etdi. Ixbt.com nashrining yozishicha, ushbu model kolleksiya nashri bilan birgalikda 97 mingdan ortiq nusxada sotilgan.

Reytingning ikkinchi pog'onasidan 82 mingdan ziyod faollashtirish natijasi bilan "Redmi K90 Max" joy oldi. Shuningdek, "Oppo Find X9 Ultra" flagmanining sun'iy yo'ldosh aloqasiga ega versiyasi bilan hisoblagandagi ko'rsatkichi 45 ming atrofida bo'ldi.

"Oppo Find X9s Pro" smartfoni esa qariyb 37 ming marotaba faollashtirilgan. Buklanuvchi "Huawei Pura X Max" smartfonining birinchi o'ringa chiqishi xaridorlar qiziqishi yangi formatdagi qurilmalarga ortayotganidan dalolat beradi.

Kompaniyaning kengaytirilgan form-faktori foydalanuvchilar tomonidan ijobiy qabul qilindi. Avvalroq mazkur modelning savdo hajmi birinchi avlod qurilmalariga nisbatan 215 foizga oshgani haqida ma'lumot berilgan edi.

Pekin-2026 avtosalonida "Huawei" rahbariyati ushbu model buklanuvchi smartfonlar segmentida eng ko'p sotilayotgan mahsulotga aylanganini va dastlabki partiyalar to'liq xarid qilinganini tasdiqladi.