Huawei Pura X Max va iPhone Fold maketi o'zaro taqqoslandi

Huawei Pura X Max va iPhone Fold maketi o'zaro taqqoslandi

Tarmoqlarda yangi Huawei Pura X Max smartfoni hamda Apple kompaniyasining kutilayotgan iPhone Fold qurilmasi maketi aks etgan video namoyish etildi. Bu haqda Zamin.uz xabar berdi.

Ixbt.com nashrining yozishicha, har ikki gadjetning orqa panelida yirik hajmdagi gorizontal kamera bloki joylashtirilgan. iPhone Fold prototipida modulning chetki qismlarida ikkita kamera va chaqnoq o'rin olgan bo'lsa, Huawei Pura X Max modelida simmetrik joylashgan uchta ob'ektiv mavjud.

Qurilmalar o'lchami o'zaro solishtirilganda, Huawei mahsuloti biroz yirikroq ekani ko'zga tashlanadi. Bu holat smartfon ochiq holatda foydalanuvchiga kengroq ekran maydonini taqdim etishidan dalolat berishi mumkin.

Shuni alohida ta'kidlash kerakki, iPhone Fold hozircha faqat maket ko'rinishida bo'lib, uning yakuniy texnik xususiyatlari rasmiy relizga qadar o'zgarishi mumkin. Hozirgi ma'lumotlarga ko'ra, iPhone Fold ekrani diagonali taxminan 7,7 dyuymni tashkil etadi.

Qurilma TSMC kompaniyasining 2 nanometrli texnologik jarayoni asosida tayyorlangan A20 Pro chipi va 12 GB tezkor xotira bilan jihozlanishi kutilmoqda.