iPhone 18 Pro smartfonida Dynamic Island o'lchami 35 foizga qisqaradi

iPhone 18 Pro smartfonlarida Dynamic Island o'lchami 35 foizga qisqaradi

Apple kompaniyasining iPhone 18 Pro modelida Dynamic Island o'lchami sezilarli darajada kichrayishi kutilmoqda. Bu haqda Zamin.uz xabar berdi.

Ixbt.com nashrining ta'minot zanjiri ma'lumotlariga tayanib xabar berishicha, ekran yuqorisidagi orolcha kengligi 20,76 millimetrdan 13,49 millimetrgacha qisqaradi. Ushbu o'zgarish natijasida datchiklar egallagan umumiy maydon taxminan 35 foizga kamayib, ekranning foydali qismi 95 foizdan oshadi.

Qurilmaning old kamerasi o'z o'rnini saqlab qolgan holda, yuqori qism markazida joylashadi. Smartfonlarning ekran diagonallari o'zgarishsiz qoladi: Pro versiya 6,3 dyuym, Pro Max esa 6,9 dyuymli displey bilan ta'minlanadi.

Yangilangan Super Retina XDR texnologiyasi yordamida displey yorqinligi 2 600 nit ko'rsatkichiga yetkazilishi rejalashtirilgan. Qurilma korpusi alyuminiy ramka hamda matli shishadan tayyorlanib, uning qalinligi 8,3 millimetrdan 8,9 millimetrgacha bo'lishi taxmin qilinmoqda.

Yangi avlod gadjetlari to'q qizil, binafsharang va to'q ko'k kabi o'ziga xos ranglarda sotuvga chiqishi kutilmoqda. iPhone 18 Pro modellarining asosiy kamerasi uchta moduldan tashkil topadi va o'zgaruvchan diafragma tizimi bilan jihozlanadi.

Bu texnologik yangilanishlar smartfonning tasvirga olish imkoniyatlarini yanada kengaytiradi.