Jon Ternus Apple kompaniyasining yangi rahbari etib tayinlandi

Apple kompaniyasi choraklik daromad bo'yicha rekord natijani e'lon qildi

Apple kompaniyasi mart oyida yakunlangan chorak yakunlari bo'yicha 111,2 mlrd dollar daromad ko'rdi. Bu haqda Zamin.uz xabar berdi.

Kompaniya rahbari Tim Kuk ushbu o'sish ko'rsatkichlari barcha hududiy bozorlarda qayd etilganini ma'lum qildi. Techcrunch.com nashrining yozishicha, ijobiy moliyaviy natijalarga qaramay, yaqin istiqbolda apparat ta'minoti bilan bog'liq xavflar mavjud.

Kuk xotira chiplari yetkazib berishdagi muammolar kompaniya biznesiga salbiy ta'sir ko'rsatishi mumkinligidan ogohlantirdi. Sun'iy intellekt texnologiyalarining ommalashishi chiplarga bo'lgan ehtiyojni keskin oshirib, bozorda taqchillikni keltirib chiqardi.

Sanoatda "RAMageddon" deb nom olgan ushbu holat butlovchi qismlar narxining ko'tarilishiga sabab bo'lmoqda. Ma'lum qilinishicha, xotira chiplari narxi 4 barobar qimmatlashgan.

Bu iPhone smartfonlarini ishlab chiqarish xarajatlarini oshiradi va yakuniy mahsulot narxi ko'tarilishiga olib kelishi mumkin. Shuningdek, Apple rahbariyatida tarkibiy o'zgarishlar amalga oshirilishi ma'lum bo'ldi.

1 sentyabr 2024 yil sanasidan Jon Ternus kompaniya bosh direktori lavozimida ish boshlaydi. Tim Kuk esa ijrochi rais sifatida faoliyatini davom ettiradi.

Ternus o'z bayonotida Kukni eng kuchli biznes yetakchilaridan biri deb atadi va yangi lavozimga tayinlanishi u uchun katta mas'uliyat ekanini ta'kidladi.