Apple choraklik daromadi 111 mlrd dollardan oshib rekord o‘rnatdi

Apple 2026-moliya yili ikkinchi choragi natijalarini e'lon qildi

Apple kompaniyasi 2026-moliya yilining ikkinchi choragi yakunlari bo'yicha moliyaviy hisobotini taqdim etdi. Bu haqda Zamin.uz xabar berdi.

Ixbt.com nashrining xabar berishicha, texnologiya giganti ushbu davrda umumiy daromad, xizmat ko'rsatish tarmog'i va iPhone qurilmalari savdosi yo'nalishida tarixiy yuqori ko'rsatkichlarni qayd etdi. Kompaniyaning choraklik daromadi sezilarli darajada o'sib, 111,2 mlrd dollarga yetdi.

Ma'lumot uchun, o'tgan yilning mos davrida ushbu ko'rsatkich 95,4 mlrd dollarni tashkil qilgan edi. Shuningdek, operatsion foyda 29,6 mlrd dollardan 35,9 mlrd dollarga ko'tarildi, sof foyda miqdori esa 29,6 mlrd dollarni tashkil etdi.

iPhone smartfonlari savdosida qariyb 22 foizlik o'sish kuzatildi. Ushbu segmentdan tushgan tushum 46,8 mlrd dollardan 57 mlrd dollargacha oshdi.

Bundan tashqari, Apple Mac kompyuterlari sotuvidan 8,4 mlrd dollar, iPad planshetlari savdosidan esa 6,9 mlrd dollar daromad ko'rdi. Kompaniyaning xizmatlar ko'rsatish bo'limi chorak davomida 30,98 mlrd dollar mablag' ishlab topgan.