Dreame Nebula Next: 0,9 soniyada 100 km/soat tezlikka erishadigan raketali avtomobil taqdim etildi

Dreame Technology kompaniyasi Nebula Next 01 Jet Edition nomli innovatsion avtomobilini taqdim etdi. Ushbu transport vositasi ikki tomonlama qattiq yoqilg'ili raketa dvigatellari bilan jihozlangan bo'lib, bu unga 0,9 soniyada 100 kilometr soat tezlikka erishish imkonini beradi. Xorijiy OAV xabar berishicha, bu texnologiya aerokosmik sohadagi yutuqlarni kundalik hayotga moslashtirish bo'yicha birinchi qadam hisoblanadi.

Avtomobilning tortish kuchi 100 kilon'yutonga yetadi, yuqori aniqlikdagi elektron boshqaruv tizimi esa harakatlanish xavfsizligini ta'minlaydi. Nebula Next 01 Jet Edition 450 Vt·soat/kg dan yuqori energiya zichligiga ega bo'lgan qattiq holatdagi akkumulyator bilan ishlaydi. Ishlab chiquvchilarning ma'lumotlariga ko'ra, ushbu texnologiya seriyali ishlab chiqarishga tayyor va to'liq quvvatlangan holda 550 kilometrdan ortiq masofani bosib o'tishi mumkin.

Ushbu avtomobil to'liq elektron boshqaruv tizimi bilan jihozlangan bo'lib, shinalar teshilgan taqdirda ham murakkab manevrlarni amalga oshirishga qodir. Intellektual boshqaruv uchun atrof-muhitni tahlil qiluvchi va haydovchi bilan hamkorlikda ishlaydigan VLA modellari arxitekturasi qo'llanilgan.

Nebula Next 01 Jet Editionning DHX1 lidari 600 metrgacha bo'lgan masofadagi ob'ektlarni aniqlay oladi, hatto 280 metr uzoqlikdagi mayda hayvonlarni ham tanib oladi. Bu tizim turli ob-havo sharoitlarida xavfsiz harakatlanishni ta'minlaydi.