Hindistonda suvda ishlaydigan yangi gaz plita taqdim etildi

Hindistonning Greenvize kompaniyasi suvdan yoqilg'i ishlab chiqaruvchi yangi gaz plitasini taqdim etdi. Ushbu innovatsion qurilma suvdan vodorod olish uchun membranali elektrolizatordan foydalanadi, bunda elektr energiyasi yordamida distillangan yoki tozalangan suv ajratiladi. Hosil bo'lgan vodorod gaz pishirish jarayonida ishlatiladi.

Ushbu plita an'anaviy vodorod tizimlaridan farqli o'laroq, gazni saqlamaydi, balki kerak bo'lganda ishlab chiqaradi, bu esa xavfsizlikni oshiradi. Kompaniya ma'lumotlariga ko'ra, 100 millilitr suv va 1 kVt/soat elektr energiyasi bilan plitani 6 soat davomida ishlatish mumkin, shu vaqtda standart induktsion plita 12 kVt/soat iste'mol qiladi. Bu esa energiyani samarali ishlatish imkonini beradi.

Qurilma faqat suv bug'i va kislorod chiqaradi, bu uni yopiq joylarda, jumladan kichik oshxonalarda va ventilyatsiya tizimi yetarli bo'lmagan hududlarda foydalanish uchun qulay qiladi. Greenvize vakillari, bu tizim ayniqsa elektr ta'minoti bilan bog'liq muammolarga duch kelayotgan qishloq hududlarida, quyosh energiyasidan foydalangan holda suvni pishirish gaziga aylantirish imkoniyatini berishini ta'kidladilar.

Gaz plitasining narxi modellarga qarab farq qiladi. Bir g'o'nali model 105 000 rupiya (taxminan 1128 dollar), ikki g'o'nali versiya esa 150 000 rupiya (taxminan 1610 dollar)dan boshlanadi. Tizim tashqi vodorod tsilindrlariga ulanish imkoniyatini ham taqdim etadi.