"Barselona" klubi kelayotgan transfer oynasida ayrim futbolchilar bo'yicha takliflarni ko'rib chiqishga tayyor. Bu haqda Euro-football.ru xabar berdi.
Bu haqda "Diario SPORT" nashri xabar bermoqda. Ma'lum qilinishicha, "ko'k-anorranglilar" o'z o'yinchilarini arzon narxda sotish niyatida emas.
Alexandro Balde, Jyul Kunde va Ronald Arauxo kabi nomlar yuqori bozor qiymatiga ega bo'lib, ular bosh murabbiy Hansi Flikning rejalaridan o'rin olgan. Klub rahbariyati ushbu futbolchilarning harakatlaridan mamnun, biroq manfaatli takliflar tushsa, ularni sotish variantini rad etmaydi.
Manbaning ta'kidlashicha, himoyachilar orasida jamoani tark etishga eng yaqin nomzod Alexandro Balde bo'lib turibdi. Kataloniyaliklar uning transferi uchun kamida 50 mln yevro talab qilishi kutilmoqda.
Mazkur mablag' klubning moliyaviy holatini yaxshilashga xizmat qilishi mumkin. Ma'lumot uchun, Ispaniya La Ligasi yakunlanishiga yaqin qolgan bir paytda "Barselona" 33 turdan so'ng 85 ochko jamg'arib, turnir jadvalida peshqadamlik qilmoqda.
Jamoa eng yaqin ta'qibchisi "Real Madrid"dan 11 ochkoga o'zib ketgan.
