SpaceX Starship raketasini uchirish xarajatlari 100 mln dollarga baholandi

Starship raketasining Flight 12 parvozi 2026 yilning may oyidan keyin amalga oshiriladi

SpaceX kompaniyasi Starship kosmik kemasini sinovdan o'tkazishning navbatdagi bosqichiga tayyorgarlik ko'rmoqda. Bu haqda Zamin.uz xabar berdi.

Ixbt.com nashrining xabar berishicha, Flight 12 parvozi 2026 yilning may oyidan keyin amalga oshirilishi kutilmoqda. Mazkur parvozning o'ziga xos jihati raketaga eng yangi Raptor 3 dvigatellarining o'rnatilishi bilan bog'liq.

Jarsy Research tahliliy ma'lumotlariga ko'ra, Starship tizimini to'liq yig'ish xarajatlari qariyb 100 mln dollarni tashkil etadi. Xususan, raketaning yuqori pog'onasi 20-30 mln dollar, Super Heavy tezlatkichi esa 30-40 mln dollar oralig'ida baholanmoqda.

Tizimdagi 39 ta Raptor dvigateli to'plami taxminan 39 mln dollarga tushadi. Yoqilg'i va qo'shimcha materiallar uchun 2 mln dollargacha mablag' sarflanishi ko'zda tutilgan.

Hozirgi hisob-kitoblarga ko'ra, 100 tonna yuk tashish quvvatiga ega raketada bir kilogramm yukning kosmosga chiqish narxi 900-1010 dollarga teng. Agar raketa 20 martadan ko'p foydalanilsa, ushbu ko'rsatkich 115-125 dollargacha pasayishi mumkin.

Bu esa loyihani kosmik parvozlar tannarxini tushirishdagi eng samarali dasturga aylantiradi. Super Heavy Booster 19 tezlatkichi ilk bor Raptor 3 dvigatellari bilan jihozlandi.

Mazkur dvigatel avvalgi rusumlardan yuqori tortish kuchi va yengilligi bilan ajralib turadi. Tashqi issiqlik himoyasi olib tashlangani sababli, uni ishlab chiqarish xarajatlari to'rt barobar arzonlashgan.

AQSh Federal aloqa komissiyasi Starship tizimining 13-parvozi uchun radiochastotalardan foydalanishga ruxsat berdi. Ushbu sinovda Super Heavy B20 va Starship S40 prototiplari qatnashishi belgilangan.