SpaceX Starship loyihasi uchun 15 mlrd dollar sarfladi

Starship loyihasining umumiy qiymati 15 mlrd dollardan oshdi

SpaceX kompaniyasi Starship kosmik kemasini yaratish va takomillashtirish jarayonlari uchun 15 mlrd AQSh dollaridan ortiq mablag' yo'naltirdi. Bu haqda Zamin.uz xabar berdi.

Reuters agentligi IPO hujjatlarini tahlil qilib, ushbu raqamlarni ochiqladi. Ma'lumot o'rnida aytish joizki, kompaniyaning Falcon 9 raketasini ishlab chiqish xarajatlari taxminan 400 mln dollarni tashkil etgan edi.

Hozirgi vaqtda Starship loyihasi SpaceX uchun eng yirik va strategik ahamiyatga ega dastur hisoblanadi. Ikki bosqichli o'ta og'ir raketa tizimi Starlink V3 sun'iy yo'ldoshlarini koinotga olib chiqish, shuningdek, Oy va Marsga insonli missiyalarni amalga oshirishga mo'ljallangan.

2025-yilning o'zida kompaniya kosmik sohadagi ilmiy-tadqiqot ishlariga 3 mlrd dollar sarfladi va bu mablag'ning asosiy qismi aynan ushbu loyihaga sarflandi. Kompaniya oktyabr oyidagi texnik tanaffusdan so'ng Starship raketasining navbatdagi sinov parvoziga tayyorgarlik ko'rmoqda.

Rejaga ko'ra, yaqin vaqt ichida qurilmaning yangilangan V3 versiyasi ilk bor parvoz qiladi. Ixbt.com nashri ham ushbu ma'lumotlarni tasdiqladi.