SpaceX raketasi koinotga 45 ta sun'iy yo'ldoshni olib chiqadi

SpaceX kompaniyasi Falcon 9 raketasini orbitaga uchiradi

SpaceX kompaniyasi 3 may kuni Kaliforniya shtatida joylashgan Vandenberg kosmodromidan Falcon 9 raketasini koinotga uchirishni rejalashtirmoqda. Bu haqda Zamin.uz xabar berdi.

Ushbu parvoz CAS500-2 missiyasi doirasida amalga oshirilishi ko'zda tutilgan. Bu haqda Ixbt.com nashri xabar berdi.

Mazkur parvoz raketa birinchi bosqichining 33-marta ishlatilishi sifatida qayd etiladi. Ushbu texnika muqaddam NROL-87, SARah-1, SWOT, Transporter hamda Starlink turkumiga kiruvchi 20 ta missiyada muvaffaqiyatli qo'llanilgan.

Rejaga ko'ra, raketa orbitadan ajralganidan so'ng, uning birinchi bosqichi Vandenberg kosmik bazasidagi 4-qo'nish maydonchasiga qaytib tushadi. Missiya doirasida orbitaga jami 45 ta sun'iy yo'ldosh olib chiqiladi.

Ushbu qurilmalar KAI, Argotec Srl, Exolaunch, Impulso.Space, Loft-EarthDaily, Lynk Global, True Anomaly va Planet Labs kabi yetakchi kompaniyalarga tegishli. Falcon 9 raketasi SpaceX tomonidan loyihalashtirilgan ikki bosqichli og'ir apparat bo'lib, u ko'p martalik foydalanish imkoniyati tufayli koinotga chiqish xarajatlarini sezilarli darajada pasaytirgan dunyodagi birinchi orbital raketa hisoblanadi.