SpaceX dunyodagi eng quvvatli Starship V4 raketasini ishlab chiqmoqda

Starship raketasi yangi modifikatsiyada Saturn V dan uch barobar kuchliroq bo'ladi

X ijtimoiy tarmog'ida Super Heavy tezlatkichi bilan jihozlangan Starship raketasining haqiqiy o'lchamlari va texnik imkoniyatlari faol tahlil qilinmoqda. Bu haqda Zamin.uz xabar berdi.

Mazkur kema parvoz jarayonida 16,7 mln funt-kuchga teng tortish kuchini hosil qiladi. Mutaxassislarning hisob-kitoblariga ko'ra, ushbu ko'rsatkich bir vaqtning o'zida to'liq quvvat bilan ishlayotgan 80 ta Boeing 747 samolyotining kuchiga mos keladi.

SpaceX asoschisi Ilon Mask raketaning navbatdagi versiyasi — Starship V4 yanada yuqori texnik ko'rsatkichlarga ega bo'lishini ma'lum qildi. Yangi modelning parvoz vaqtidagi tortish kuchi taxminan 10 ming tonnani tashkil etishi kutilmoqda.

Bu ko'rsatkich Apollo oy dasturi doirasida qo'llanilgan afsonaviy Saturn V raketasidan qariyb 3 barobar ortiqdir. Shu tariqa, Starship modifikatsiyasi insoniyat tarixidagi eng quvvatli raketaga aylanadi.

Ayni paytda qurilmaning 40-raqamli prototipi Starbase bazasidagi Massey sinov poligoniga yetkazilgan. Mazkur kema tizimning 13-sinov parvozi doirasida koinotga yo'l olishi rejalashtirilgan.

Loyihaning borishi va texnik parametrlari haqida Ixbt.com nashri xabar berdi.