Meta biznes sun'iy intellekti haftasiga 10 mln suhbat o'tkazmoqda

Meta kompaniyasining biznes vositalari orqali amalga oshirilgan suhbatlar soni 10 barobarga ko'paydi

Meta korporatsiyasining tadbirkorlik faoliyati uchun ishlab chiqilgan sun'iy intellekt texnologiyalari mart oyi yakuniga ko'ra haftasiga qariyb 10 mln marta muloqot o'tkazdi. Bu haqda Zamin.uz xabar berdi.

Techcrunch.com nashrining yozishicha, mazkur ko'rsatkich yil boshida 1 mln suhbat darajasida edi. Hozirgi vaqtda 8 mln nafardan ortiq reklama beruvchi kompaniya taqdim etgan kamida bitta sun'iy intellekt xizmatidan foydalanmoqda.

Ushbu texnologik yechimlar hozirda kichik biznes sub'yektlari uchun to'lovsiz asosda taqdim etilmoqda. Kompaniya rahbari Sukerberg kelajakda ushbu xizmatlar pullik tizimga o'tkazilishi mumkinligini ma'lum qildi.

Uning qayd etishicha, xabar almashish platformalaridagi biznes sun'iy intellekti ayni paytda bepul bo'lsa-da, uzoq muddatli monetizatsiya strategiyasi ishlab chiqilmoqda. Meta o'z mahsulotlariga intellektual imkoniyatlarni integratsiya qilishni davom ettirmoqda.

Xususan, o'tgan yili faoliyat boshlagan Meta Superintelligence Labs bo'limi tomonidan yaratilgan Muse Spark modeli amaliyotga kiritildi. 2024 yilning birinchi choragi yakunlariga ko'ra, Meta kompaniyasining sof foydasi 26,8 mlrd dollarni tashkil qildi.

Korporatsiyaning umumiy daromadi o'tgan yilning mos davriga nisbatan 33 % ga o'sib, 56,3 mlrd dollarga yetdi.