AQShdan deportatsiya qilingan 26 nafar o'zbekistonlik Toshkentga qaytarildi

AQSh migratsiya qonunchiligini buzgan 26 nafar O'zbekiston fuqarosi vatanga qaytarildi

AQShdan deportatsiya qilingan 26 nafar O'zbekiston fuqarosini olib kelgan maxsus charter reysi 1-may kuni Toshkent xalqaro aeroportiga yetib keldi. Bu haqda Zamin.uz xabar berdi.

Bu haqda «Dunyo» axborot agentligi xabar berdi. Ma'lum qilinishicha, mazkur shaxslar Amerika Qo'shma Shtatlarining migratsiya qonun-qoidalarini buzganliklari sababli mamlakat hududidan chiqarib yuborilgan.

Fuqarolarni vatanga qaytarish jarayoni O'zbekiston va AQShning tegishli idoralari o'rtasidagi yaqin hamkorlik hamda muvofiqlashtirilgan harakatlar doirasida amalga oshirildi. Jarayon davomida mutasaddi tashkilotlar tomonidan deportatsiya qilingan shaxslarning shaxsini tasdiqlash, barcha zaruriy hujjatlarni rasmiylashtirish va ularni xavfsiz tashish bilan bog'liq huquqiy hamda tashkiliy masalalar tezkorlik bilan yakuniga yetkazildi.

Mutasaddi idoralar vakillari O'zbekiston migratsiya sohasida xalqaro hamkorlar bilan aloqalarni izchil mustahkamlayotganini ta'kidladi. Hozirda noqonuniy migratsiyaga chek qo'yish, fuqarolarning chet davlatlarda qonuniy asoslarda faoliyat yuritishini ta'minlash hamda ularning huquqlarini himoya qilish davlat siyosatining ustuvor yo'nalishlaridan biri hisoblanadi.

Shu munosabat bilan mutaxassislar fuqarolardan xorijga chiqishda amaldagi qonunchilik talablariga qat'iy rioya qilishni va faqat rasmiy ruxsatnomalar asosida harakatlanishni so'ramoqda.