Oltin quymalar narxi tushdi: 29 apreldagi yangi narxlar e’lon qilindi

O'zbekiston Markaziy banki 29 aprel kunidagi o'lchovli oltin quymalar narxlarini e'lon qildi. Unga ko'ra, oltinning bir grammi narxi avvalgi ko'rsatkichlardan 6 800 so'mga arzonlashgan. Mazkur o'zgarish oltin quymalar narxlariga quyidagicha ta'sir ko'rsatdi: 5 grammlik quymaning narxi 9 396 000 so'm, 10 grammlik – 18 434 000 so'm, 20 grammlik – 36 867 000 so'm, 50 grammlik – 92 169 000 so'm, 100 grammlik esa 184 337 000 so'mga tenglashti.

O'lchovli oltin quymalarini mamlakatimizdagi barcha tijorat banklarining filiallaridan sotib olish imkoniyati mavjud. Moliya institutlariga borishdan oldin, oltin quymalarining mavjudligini telefon orqali aniqlashtirib olish tavsiya etiladi. Hozirgi kunda oltin narxining tez sur'atlarda o'zgarishi, ushbu qimmatbaho metalga bo'lgan talabni keskin oshirgan.

Shu sababli, ayrim bank filiallarida oltin quymalarining zaxiralari kamayib borayotgani yoki tugab qolishi mumkinligi haqida xabarlar paydo bo'lmoqda. Xorijiy OAV xabarlariga ko'ra, oltin narxining pasayishi global fond bozorlaridagi vaziyat bilan bog'liq. Ekspertlar, oltin narxining keyingi o'zgarishlari dunyo iqtisodiyotidagi yangi tendensiyalarga bog'liq bo'lishi mumkinligini ta'kidlamoqdalar.