Toni Kroos "Real Madrid"ga qaytish bo'yicha muzokara o'tkazmoqda

Germaniyalik sobiq yarim himoyachi Toni Kroos "Real Madrid" klubiga qaytish bo'yicha muzokaralar o'tkazmoqda. Bu haqda Euro-football.ru xabar berdi.

Bu haqda The Athletic nashri jurnalisti Mario Kortegana xabar berdi. Ma'lum qilinishicha, Madrid klubi rahbariyati afsonaviy futbolchini jamoaning sport tuzilmasiga jalb etish variantlarini ko'rib chiqmoqda.

Kroosning klubdagi aniq vazifasi hozircha belgilanmagan, biroq u o'z vaqtida Zinedin Zidan bosib o'tgan yo'lni takrorlashi taxmin qilinmoqda. "Real Madrid" mutasaddilarining fikricha, Toni Kroos jamoa tarkibini shakllantirish bo'yicha qarorlar qabul qilish jarayonida ishtirok etishi va turli darajalarda klub manfaatlarini ifodalashi mumkin.

Germaniyalik mutaxassisning boy tajribasi va futbol olamidagi obro'si jamoa boshqaruvi uchun foydali bo'lishi kutilmoqda. Eslatib o'tamiz, Toni Kroos 2024-yilgi Yevropa chempionatidan so'ng 34 yoshida professional futbolchilik faoliyatini yakunlagan edi.

Hozirda u akasi bilan birgalikda o'zining shaxsiy podkastida chiqishlar qilib, jahon futbolidagi voqealarga munosabat bildirib kelmoqda. Kroosning "Qirollik klubi"ga qaytishi madridlik muxlislar va sport jamoatchiligi tomonidan katta qiziqish bilan kutilmoqda.