Toni Kroos "Real Madrid"ga qaytish haqidagi xabarlarga javob berdi

"Real Madrid" klubining sobiq yarim himoyachisi Toni Kroos Madrid klubiga ma'muriy lavozimda qaytishi mumkinligi haqidagi xabarlarga munosabat bildirdi. Bu haqda Euro-football.ru xabar berdi.

Avvalroq sport nashrlarida nemis futbolchisi "sara" klubida koordinatorda lavozimini egallashi mumkinligi haqida ma'lumotlar tarqalgan edi. Toni Kroos ushbu masala yuzasidan o'z akasi bilan birgalikda olib borilgan "Einfach mal Luppen" podkastida gapirdi.

Futbolchi klubga qaytish imkoniyati haqidagi savolga aniq javob bermay, hozircha bu borada hech narsani bilmasligini va ushbu mavzuda izoh berishni istamasligini ta'kidladi. Eslatib o'tamiz, Toni Kroos 2024-yilning yozida bo'lib o'tgan Yevropa chempionati yakunidan so'ng professional futbolchilik faoliyatiga nuqta qo'ygan edi.

U o'zining uzoq yillik karyerasini yuqori cho'qqilarda yakunlab, futbol olamida katta iz qoldirdi. Ayni damda "Real Madrid" Ispaniya chempionati jadvalida ikkinchi o'rinni egallab turibdi.

Jamoa jadval yetakchisi "Barselona"dan to'qqiz ochkoga ortda qolgan.