«Shalke» bosh murabbiy Miron Muslich bilan shartnomani uzaytirdi

Gelzenkirxenning «Shalke» klubi Germaniya ikkinchi Bundesligasidagi uch yillik tanaffusdan so‘ng, muddatidan avval yuqori divizion yo‘llanmasini qo‘lga kiritdi. Bu haqda Euro-football.ru xabar berdi.

Jamoaning ushbu muvaffaqiyati bosh murabbiy Miron Muslich bilan tuzilgan mehnat shartnomasiga bevosita ta’sir ko‘rsatdi. Avstriyalik mutaxassisning shartnomasi avtomatik tarzda uzaytirildi.

Endilikda 43 yoshli murabbiy 2028-yilning iyuniga qadar klubda faoliyatini davom ettiradi. Muslich 2025-yilning may oyidan buyon Germaniya jamoasini boshqarib kelmoqda.

Joriy mavsumda «Shalke» ikkinchi Bundesligada 67 ochko jamg‘arishga muvaffaq bo‘ldi. Jamoa turnir yakunlanishiga ikki tur qolganida turnir jadvalida birinchi o‘rinni va elit divizionga qaytishni naqd qildi.

Ma’lumot uchun, «Shalke» Germaniyaning yetti karra chempioni hisoblanadi. Gelzenkirxenliklar so‘nggi bor mamlakat bosh sovrini — chempionlik qalqonini 1958-yilda qo‘lga kiritgan edi.

Jamoaning Bundesligaga qaytishi muxlislar tomonidan katta quvonch bilan kutib olindi.