Manchester Siti futbol klubi atrofida yuzaga kelgan moliyaviy qoidabuzarliklar bilan bog‘liq vaziyat Angliya futbol jamoatchiligida jiddiy xavotir va turlicha taxminlarni yuzaga keltirmoqda. Bu haqda Zamin.uz xabar berdi.
Mutaxassislar klubga nisbatan eng og‘ir jazo choralari ko‘rilishi va jamoa Premer-ligadan chetlatilishi ehtimolini muhokama qilmoqdalar. Biroq, bunday ssenariy amalga oshgan taqdirda ham, jahonning hech bir grand klubi jamoaning yetakchi to‘purari Erling Xolandni tekinga o‘z safiga qo‘shib olish imkoniyatiga ega emas.
Britaniyaning Football Insider nashri tomonidan tarqatilgan maxsus ma’lumotlarga ko‘ra, norvegiyalik hujumchining amaldagi shartnomasida klubning ligadan chetlatilishiga doir maxsus bandlar mavjud emas. Shu sababli, futbolchining transferi bilan bog‘liq huquqiy va moliyaviy masalalar avvalgi tartibda qoladi.
Klubga nisbatan qanday qaror qabul qilinishidan qat’i nazar, Xolandning shartnoma shartlari uning jamoani erkin agent sifatida tark etishiga asos bermaydi. Ayni damda ushbu vaziyat bo‘yicha rasmiy tergov jarayonlari davom etmoqda va yakuniy qaror futbol olamida katta rezonans keltirib chiqarishi kutilmoqda.
Izohlar
0