PSJ klubi himoyachisi Ashraf Hakimi Marokash terma jamoasi safida o'z faoliyatidagi unutilmas o'yinlardan birini o'tkazdi. Bu haqda Euro-football.ru xabar berdi.
Afrika Millatlar kubogi saralash bosqichi doirasida Niger terma jamoasiga qarshi kechgan bahsda 28 yoshli futbolchi o'zini ko'rsatishga muvaffaq bo'ldi. Uchrashuvning 27 va 45-daqiqalarida raqib darvozasini ishg'ol qilgan Hakimi milliy terma jamoa safida ilk bor dubl qayd etdi.
Ta'kidlash joizki, bungacha u xalqaro maydonda bitta o'yinda bir martadan ortiq gol urishga erishmagan edi. Umuman olganda, Ashraf Hakimi Marokash terma jamoasi safida 2016-yildan buyon 104 ta o'yin o'tkazib, 14 ta gol va 22 ta golli uzatmaga mualliflik qilgan.
Eslatib o'tamiz, himoyachi yaqinda o'z faoliyatidagi ilk xet-trikini ham nishonlagan edi. Oktyabr oyi oxirida Fransiya chempionati doirasida "Gavrl" klubiga qarshi o'yinda u raqib darvozasiga uchta to'p kiritib, muxlislar olqishiga sazovor bo'lgandi.
Hozirgi kunda Hakimi nafaqat himoyadagi ishonchli o'yini, balki hujum chizig'idagi samaradorligi bilan ham jahon futbolidagi eng kuchli qanot himoyachilaridan biri ekanligini isbotlamoqda.
Izohlar
0