O‘zbekistonda xotin-qizlar hamda bolalarning huquq va manfaatlarini himoya qilish, shuningdek, ularga nisbatan har qanday ko‘rinishdagi kamsitishlarga barham berish borasidagi ishlar yangi bosqichga ko‘tarilmoqda. Bu haqda Zamin.uz xabar berdi.
Mazkur yo‘nalishda amalga oshirilayotgan islohotlar inson qadrini yuksaltirishga qaratilgan yettita milliy dastur doirasida izchil davom ettirilmoqda. Xususan, kelgusida voyaga yetmagan farzandlar ta’minoti uchun to‘lanadigan aliment miqdorini aniqlashda yangi, adolatli mexanizmni joriy etish ko‘zda tutilgan.
Ushbu tizim aliment to‘lovlarini mamlakatdagi amaldagi yashash xarajatlariga moslashtirishni nazarda tutadi. Bu tashabbus ota-onalar o‘rtasidagi majburiyatlarning shaffof va ijtimoiy adolat tamoyillariga muvofiq bajarilishini ta’minlashga xizmat qiladi.
Davlat tomonidan ko‘rilayotgan bu kabi choralar oila institutini mustahkamlash, bolalar huquqlarini kafolatlash hamda ijtimoiy himoyani kuchaytirishdek strategik maqsadlarni ko‘zlaydi. Yangi tartibning joriy etilishi aliment to‘lovlarini belgilashda yuzaga kelayotgan tushunmovchiliklarning oldini olishga hamda farzandlarning moddiy ehtiyojlarini to‘laqonli qondirishga imkon beradi.
Izohlar
0