Yandex Drive avtoparkiga 120 ta yangi elektromobil qo'shildi

Yandex Moskva va Sankt-Peterburgda elektromobillar sonini oshirdi

Yandex jamoasi Yandex Drive karshering xizmati avtoparki kengaytirilganini e'lon qildi. Bu haqda Zamin.uz xabar berdi.

29-aprel 2026 yildan boshlab Moskva va Sankt-Peterburg aholisi hamda mehmonlari 120 ta Umo 5 elektromobilini ijaraga olishlari mumkin. Ixbt.com nashrining xabar berishicha, xizmatdan foydalanish uchun haydovchi 18 yoshga to'lgan bo'lishi va B toifasidagi haydovchilik guvohnomasiga ega bo'lishi lozim.

Umo 5 elektr krossoveri Alisa sun'iy intellekt yordamchisi orqali ovozli boshqaruv tizimi bilan jihozlangan. Haydovchi maxsus buyruqlar yordamida oynalarni tushirish, konditsionerni yoqish yoki harakat yo'nalishini belgilash imkoniyatiga ega.

Avtomobilning 14,6 dyuymli ekranli multimedia tizimi Navigatsiya, Musiqa va Kitoblar kabi Yandex servislarini qo'llab-quvvatlaydi. Elektr dvigatelining quvvati 204 ot kuchiga teng bo'lib, to'rt xil rejimda harakatlanadi.

Moskvich zavodida ishlab chiqarilayotgan ushbu mashinalar bir marta quvvatlanish orqali yozda 420 km, qishda esa 350 km masofani bosib o'tadi. Ijara narxi bir daqiqa uchun 12 rubldan boshlanadi va qamrov hududi aeroportlarni ham o'z ichiga oladi.

Barcha avtomobillarga o'rnatilgan datchiklar haydash uslubini tahlil qilib, haydovchining shaxsiy reytingini shakllantirib boradi.