Kalugadagi sobiq Volkswagen zavodida Tenet T4L krossoveri ishlab chiqariladi
Rossiyaning Kaluga shahridagi sobiq Volkswagen zavodida Tenet brendiga tegishli yangi T4L krossoverini yig'ish jarayoni boshlanmoqda. Bu haqda Zamin.uz xabar berdi. Ushbu model brendning eng ko'p sotiladigan avtomobillaridan biri — T4 modelining kengaytirilgan va funksional versiyasi sifatida taqdim etilgan. Bu haqda Ixbt.com xabar berdi.
Yangi avtomobilning asosiy ustunligi uning gabarit o'lchamlarida aks etgan. Kuzov uzunligi 186 mm ga, balandligi esa qariyb 50 mm ga kattalashgan.
G'ildiraklar bazasining 40 mm ga kengayishi natijasida orqa qatordagi yo'lovchilar uchun qo'shimcha qulaylik yaratilgan va yukxona hajmi 475 litrga yetgan. Texnik ko'rsatkichlarga ko'ra, krossover 147 ot kuchiga ega 1,5 litrli turbomotor va 6 pog'onali robotlashgan uzatmalar qutisi bilan ta'minlangan.
Faqat oldi uzatmali bo'lgan ushbu transport vositasi shahar tashqarisidagi yo'llarda 100 km masofa uchun 6,5 litr yoqilg'i sarflaydi. Avtomobil saloni raqamli texnologiyalar bilan jihozlangan.
Xususan, haydovchi uchun 10,25 dyuymli asboblar paneli, shunday o'lchamdagi multimedia ekrani hamda iqlim nazorati uchun alohida 8 dyuymli sensorli monitor o'rnatilgan. Tizim Apple CarPlay va Android Auto dasturlari orqali ishlash imkoniyatiga ega.
Ishlab chiqaruvchi avtomobilni mintaqaviy iqlim va yo'l sharoitlariga moslashtirishga e'tibor qaratgan. Kuzovning yashirin qismlari mum bilan ishlov berilgan, pastki qismi esa korroziyaga qarshi va shovqinni kamaytiruvchi maxsus qatlam bilan himoyalangan.
Hozircha yangi modelning sotuv narxi ma'lum qilinmadi.
