Madridning «Atletiko» klubi bosh murabbiyi Diyego Simeone jamoa hujumchisi Xulian Alvaresning muxlislar oldidagi uzriga munosabat bildirdi. Bu haqda Euro-football.ru xabar berdi.
Argentinalik futbolchi Ispaniya La Ligasi doirasida «Deportivo»ga qarshi o‘tkazilgan va yagona gol evaziga g‘alaba qozonilgan uchrashuvdan so‘ng bergan intervyusida o‘z xatti-harakatlari uchun uzr so‘ragan edi. Simeonening so‘zlariga ko‘ra, o‘z xatosini tan olib, kechirim so‘rashga jur’at etgan insonlar har doim hurmatga loyiqdir.
Murabbiy bu qadam Alvares uchun ruhiy yengillik bo‘lishini ta’kidladi. «Xulianning so‘zlari samimiy ekanligiga shubham yo‘q.
Bizga aynan shunday o‘yinchi kerak. Muxlislarimiz orzu qilgan yuksak marralarga erishish uchun Alvares o‘zining eng yaxshi sport formasida bo‘lishi shart», – deya qayd etdi mutaxassis.
Eslatib o‘tamiz, yozgi transferlar vaqtida Xulian Alvares «Atletiko»ni tark etish istagi borligini bildirgan edi. Uning bu bayonoti, ayniqsa, «Barselona»ga o‘tishi mumkinligi haqidagi mish-mishlar fonida mahalliy ishqibozlarning keskin noroziligiga sabab bo‘lgandi.
Endilikda futbolchi o‘z bayonoti bilan yuzaga kelgan keskinlikni yumshatishga va jamoa muxlislari bilan bo‘lgan munosabatlarni yaxshilashga muvaffaq bo‘ldi. Endilikda butun e’tibor jamoaning mavsumdagi oldiga qo‘ygan maqsadlariga qaratiladi.
Izohlar
0