Rossiyada MegaFon eng tezkor mobil internet operatori deb topildi

MegaFon ma'lumot uzatish tezligi bo'yicha yetakchi deb topildi

Merilo platformasi tomonidan o'tkazilgan Vigo tadqiqoti natijalariga ko'ra, MegaFon operatori internet tezligi borasida eng yuqori ko'rsatkichni qayd etdi. Bu haqda Zamin.uz xabar berdi.

Foydalanuvchilarning katta qismi uchun ma'lumot uzatish darajasi soniyasiga 65,56 Mbit/s ni tashkil qildi. Ixbt.com nashrining yozishicha, ushbu natija eng yaqin raqobatchining ko'rsatkichidan 10 foizga yuqoridir.

Reytingni shakllantirishda mijozlar tajribasi va tarmoq unumdorligini baholovchi Vigo Speed Score tizimidan foydalanildi. MegaFon jami 78,45 ball jamlagan holda ro'yxatda birinchi o'rinni egalladi.

Keyingi pog'onalardan 67,24 ball bilan Bilayn, 59,81 ball bilan MTS va 57,73 ball to'plagan T2 operatorlari joy oldi. Tahlillar 2026 yilning birinchi choragi davomida barcha mobil aloqa operatorlari tarmoqlarida olib borildi.

Tadqiqot doirasida 11 mingta qurilma yordamida qariyb 90 mingta o'lchov ishlari amalga oshirildi. MegaFon texnik direktori Aleksey Titovning so'zlariga ko'ra, tarmoq sifatining oshishi nafaqat yangi tayanch stansiyalari qurilishi, balki mavjud infratuzilmaning muntazam modernizatsiya qilinishi bilan bog'liq.