Rivian yangi elektromobillar ishlab chiqarish xarajatlarini 50 foizga qisqartirdi

Rivian kompaniyasi R2 elektromobillari tannarxini ikki barobar kamaytirdi

AQShning Rivian kompaniyasi yangi R2 platformasini ishlab chiqarish xarajatlarini sezilarli darajada pasaytirishga muvaffaq bo'ldi. Bu haqda Zamin.uz xabar berdi.

Kompaniya rahbariyati taqdim etgan ma'lumotlarga ko'ra, yangi modelni yig'ish xarajatlari R1 seriyasiga nisbatan 50 foizdan ko'proqqa qisqargan. Ixbt.com nashrining yozishicha, muhandislar avtomobilning deyarli barcha tarkibiy qismlarini optimallashtirish orqali ushbu natijaga erishgan.

Xususan, elektr simlari uzunligi qisqartirilib, ulagichlar soni 60 foizga, yuqori kuchlanishli kabellar hajmi esa 70 foizga kamaytirildi. Yangi "Maximus Drive" quvvat bloki amaldagi R1 modellarida qo'llaniladigan "Enduro" tugunlariga qaraganda 41 foizga kamroq qismlardan iborat.

Invertor to'g'ridan-to'g'ri yurituvchiga o'rnatilishi natijasida sovutish tizimi va yig'ish jarayoni soddalashdi. Mexanik qismlarda ham jiddiy tejamkorlik choralari ko'rildi.

Old osmaning "MacPherson" tirgaklariga o'tkazilishi xarajatlarni 70 foizga kamaytirdi. Kuzov ishlab chiqarishda yirik quyma texnologiyasidan foydalanish esa taglik qismlari sonini 90 foizga qisqartirish imkonini berdi.

Shuningdek, orqa eshiklar konstruksiyasi murakkabligi 65 foizga pasaytirildi. Kompaniya bosh direktori RJ Skerinjning ta'kidlashicha, bunday yondashuv Rivian uchun kelajakdagi modellarni yuqori foyda bilan realizatsiya qilish imkonini yaratadi.

Hozirda Rivian R2 modelining boshlang'ich narxi taxminan 45 000 dollar bo'lishi kutilmoqda.