Olimlar rux batareyalari samaradorligini 99,99 foizga oshirdi

Merilend universiteti va Brukheven milliy laboratoriyasi muhandislari rux akkumulyatorlari samaradorligini oshiruvchi yangi elektrolit tuzilmasini yaratdi. Bu haqda Zamin.uz xabar berdi.

Tadqiqotchilar guruhi professor Chunsheng Vann hamda doktor Detszyan Dun rahbarligida rux batareyalaridagi asosiy texnik muammoni bartaraf etdi. Ilgari bunday quvvat elementlari suv molekulalarining parchalanishi va rux dendritlarining o'sishi oqibatida uzoq muddat xizmat qila olmas edi.

Olimlar yuqori o'tkazuvchanlik va past tannarxni saqlab qolgan holda, qimmatbaho tarkiblardan qolishmaydigan past konsentratsiyali suvli elektrolitlarni ishlab chiqdi. Mazkur jarayonda ftorlangan anionlar va donor soni 18 dan yuqori bo'lgan tuzlardan foydalanildi.

Ushbu manfiy zaryadlangan ionlar rux ionlari hamda suv molekulalari bilan bog'lanib, noyob molekulyar tuzilmani hosil qildi. Laboratoriya sinovlari natijasida yangi batareyalar 130 Vt·soat/kg energiya zichligida 1 000 dan ortiq ish sikli davomida 99,99 % darajasidagi kulon samaradorligini qayd etdi.

Ushbu kashfiyot rux akkumulyatorlarining xizmat qilish muddatini sezilarli darajada uzaytirishga xizmat qiladi.