Ijtimoiy tarmoqlarda Istanbul shahrida istiqomat qilib kelgan yigirma sakkiz yoshli O‘zbekiston fuqarosi Mohirano Meliyeva bilan bog‘liq noxush hodisa muhokamalarga sabab bo‘lmoqda. Bu haqda Zamin.uz xabar berdi.
Ma’lumotlarga ko‘ra, hamyurtimiz sog‘lig‘idagi muammolar sababli shifoxonaga murojaat qilish o‘rniga, uy sharoitida tibbiy yordam olishni ma’qul ko‘rgan. U qattiq shamollash alomatlari bilan kurashayotgan bir paytda, xonadoniga tibbiyot xodimi chaqirtirilgan.
Biroq, uy sharoitida o‘tkazilgan muolaja kutilmagan salbiy oqibatlarga olib keldi. Dastlabki ma’lumotlarga ko‘ra, bemorda kuchli allergik reaksiya kuzatilgan.
Vaziyat yanada murakkablashib, ayolning tanasida kuyish alomatlari paydo bo‘lgani va ahvoli og‘irlashgani aytilmoqda. Hozirgi vaqtda mazkur holat yuzasidan aniqroq tafsilotlar o‘rganilmoqda.
Mutaxassislar aholini uy sharoitida, ayniqsa, shubhali usullar bilan tibbiy muolajalarni amalga oshirmaslikka, sog‘liq bilan bog‘liq masalalarda faqatgina ixtisoslashgan shifoxonalarga murojaat qilishga chaqirmoqdalar. Mazkur voqea xorijda yashayotgan vatandoshlarimiz uchun tibbiy xizmatlardan foydalanishda hushyorlikni oshirish lozimligini yana bir bor eslatib o‘tdi.
Izohlar
0