Toshkent viloyatining Yangiyo‘l shahrida sodir etilgan og‘ir jinoyat yuzasidan sud hukmi e’lon qilindi. Bu haqda Zamin.uz xabar berdi.
Repost nashri xabariga ko‘ra, o‘z turmush o‘rtog‘i va voyaga yetmagan qizining hayotiga zomin bo‘lgan shaxs umrbod ozodlikdan mahrum etish jazosiga hukm qilindi. Tergov jarayonida aniqlanishicha, fojiali voqea joriy yilning 7 iyun kuni tonggi soat 06:00 atrofida yuz bergan.
27 yoshli Habibullo Qobilov mast holatda uyiga kirib kelib, 24 yoshli turmush o‘rtog‘i bilan o‘zaro kelishmovchilikka borgan va uni bo‘g‘ib o‘ldirgan. Jinoyat shu bilan to‘xtab qolmagan.
Qotil keyinchalik uch yoshga to‘lmagan qiziga nisbatan jinsiy zo‘ravonlik sodir etgan va uning ham hayotiga zomin bo‘lgan. Sud mazkur mudhish qilmishlarni atroflicha o‘rganib chiqib, ayblanuvchiga nisbatan eng og‘ir jazo chorasini belgiladi.
Ushbu voqea jamiyatda katta rezonans keltirib chiqardi va huquq-tartibot organlari tomonidan qat’iy nazorat ostiga olingan edi.
Izohlar
0