AQSH kosmik infratuzilmasi raketalar soni ortishi sababli inqirozda

NASA inspeksiya boshqarmasi tomonidan tayyorlangan navbatdagi hisobotda Qo'shma Shtatlardagi yirik kosmik markazlar faoliyati bilan bog'liq jiddiy xavotirlar o'rtaga tashlandi. Bu haqda Zamin.uz xabar berdi.

Mutaxassislar tahliliga ko'ra, yaqin o'n yillikning yakuniga borib, mazkur obektlar o'ta yuqori yuklama ostida qolishi ehtimoli yuqori. Hozirgi kunda koinotga uchirilayotgan raketalar soni muttasil oshib bormoqda, bu esa mavjud infratuzilmaning texnik imkoniyatlariga o'z ta'sirini o'tkazmay qolmayapti.

Tahlilchilarning fikricha, kosmik tarmoqdagi yuklamaning ortishi nafaqat davlat darajasidagi loyihalarga, balki xususiy kompaniyalarning kosmik dasturlariga ham jiddiy to'siqlarni yuzaga keltirishi mumkin. Infrastrukturani modernizatsiya qilish va mavjud resurslarni samarali taqsimlash masalasi kelgusida kosmik parvozlar jadvalini saqlab qolish uchun hal qiluvchi ahamiyat kasb etadi.

Agar tegishli choralar ko'rilmasa, infratuzilmaning cheklangan imkoniyatlari AQSHning kosmik sohadagi yetakchiligiga va rejalashtirilgan missiyalarning o'z vaqtida amalga oshirilishiga salbiy ta'sir ko'rsatishi mumkinligi Ixbt manbasida qayd etilgan.