FQB sobiq direktori AQSh prezidentiga tahdid qilishda ayblanmoqda

AQShda FQB sobiq direktori prezidentga tahdid qilishda ayblanmoqda

Shimoliy Karolina sharqiy okrugi katta hakamlar hay'ati Federal qidiruv bürosining sobiq direktori Jeyms Komiga nisbatan ayblov xulosasini tasdiqladi. Bu haqda Zamin.uz xabar berdi.

CNN xabariga ko'ra, sobiq mulozim AQSh prezidentiga tahdid qilishda gumon qilinmoqda. Mazkur jinoiy ishga Komi tomonidan 2025 yil may oyida ijtimoiy tarmoqlarga joylashtirilgan fotosurat sabab bo'lgan.

Tasvirda chig'anoqlar yordamida aks ettirilgan "8647" raqami tergov organi tomonidan yashirin ma'nodagi chaqiriq sifatida talqin qilinmoqda. Ayblov tomonining tushuntirishicha, ushbu kombinatsiyadagi "86" raqami "yo'q qilish", "47" esa AQShning 47-prezidenti Donald Trampni anglatishi mumkin.

Jeyms Komi o'ziga qo'yilgan ayblarni mutlaqo rad etdi. U federal sud tizimining adolatiga tayanishini va yakunda xolis qaror qabul qilinishiga ishonishini ma'lum qildi.

Soha mutaxassislari ushbu holat bo'yicha o'z munosabatlarini bildirib, oddiy tasvirning qasddan amalga oshirilgan suiqasdga chaqiriq ekanini isbotlash prokuratura uchun huquqiy jihatdan ancha murakkab kechishini ta'kidlamoqda. Hozirda mazkur shov-shuvli ish doirasida tergov harakatlari davom etmoqda.