Marotta: «Inter»ga yosh italiyalik futbolchilar kerak

"Inter" prezidenti transfers rejalarini e’lon qildi

Italiyaning "Inter" klubi prezidenti Juzeppe Marotta jamoaning transfer siyosati va kelgusidagi maqsadlari haqida to'xtalib o'tdi. Bu haqda Euro-football.ru xabar berdi.

"Neradzurrilar" joriy mavsumda muddatidan avval Italiya chempionligini qo'lga kiritib, asosiy vazifani bajarib bo'lishdi. Marottaning so'zlariga ko'ra, klub rahbariyati tarkibni kuchaytirish bo'yicha aniq rejalarga ega.

Klub rahbari jamoa negizini mahalliy futbolchilar tashkil etishi muhimligini ta'kidladi. "Inter" kelgusida iqtidorli yosh italiyalik o'yinchilarni jalb qilishni davom ettiradi.

Shu bilan birga, Marotta muvozanatni saqlash zarurligini qayd etdi. Jamoada nafaqat yoshlar, balki katta tajribaga ega bo'lgan xorijlik futbolchilar ham bo'lishi lozim.

Uning fikricha, faqat yosh iqtidorlar bilan yirik g'alabalarga erishib bo'lmaydi. Ma'lumot uchun, "Inter" A Seriyaning 35-turidan so'ng 82 ochko jamg'arib, eng yaqin ta'qibchisi "Napoli"dan 12 ochkoga o'zib ketgan holda chempionlikni naqd qildi.

Endilikda jamoani "Latsio"ga qarshi Italiya kubogi final uchrashuvi kutmoqda. Marotta hozircha aniq ismlarni ochiqlamagan bo'lsa-da, klubning transfer bozoridagi harakatlari muvozanatlashgan tarkib tuzishga qaratilishini bildirdi.