«Lion» «Renn»ni mag‘lub etib turnir jadvalida uchinchi o‘ringa ko‘tarildi

Fransiya chempionatining 32-turi doirasida «Lion» jamoasi o‘z maydonida «Renn»ni qabul qildi. Bu haqda Euro-football.ru xabar berdi.

«Groupama Arena» stadionida bo‘lib o‘tgan qiziqarli va gollarga boy uchrashuv mezbonlarning 4:2 hisobidagi g‘alabasi bilan yakunlandi. O‘yin mehmonlarning faol hujumlari bilan boshlandi.

Uchrashuvning 6-daqiqasidayoq «Renn» hujumchisi Mussa Al-Tamari hisobni ochishga muvaffaq bo‘ldi. O‘tkazib yuborilgan goldan so‘ng mezbonlar bosimni oshirishdi va 37-daqiqada Roman Yaremchuk aniq zarba bilan muvozanatni tikladi.

Birinchi bo‘lim yakunlanishi arafasida, 42-daqiqada Korenten Tolisso «Lion»ni hisobda oldinga olib chiqdi. Ikkinchi bo‘limning deyarli boshida, 48-daqiqada Esteban Lepol mehmonlarning javob golini urib, hisobni 2:2 ko‘rinishiga keltirdi.

Biroq quvnoq o‘yin davom etdi va 52-daqiqada Afonsu Moreyra «Lion»ning uchinchi golini kiritdi. Uchrashuvdagi yakuniy nuqtani 75-daqiqada braziliyalik yosh iqtidor sohibi Endrik qo‘ydi.

Ushbu g‘alabadan so‘ng «Lion» o‘z ochkolari sonini 60 taga yetkazib, Fransiya chempionati turnir jadvalida uchinchi o‘ringa ko‘tarilib oldi. «Renn» esa 56 ochko bilan beshinchi pog‘onada qolmoqda.

G‘alaba mezbonlarga Chempionlar ligasi yo‘llanmasi uchun kurashda muhim ustunlikni taqdim etdi.