Fransiya chempionatining 30-turidan o'rin olgan markaziy uchrashuvda kutilmagan natija qayd etildi. Bu haqda Euro-football.ru xabar berdi.
Parijdagi «Park de Prens» stadionida kechgan bahsda amaldagi chempion «PSJ» jamoasi «Lion»ni qabul qilib, 1:2 hisobida mag'lubiyatga uchradi. Uchrashuv mehmonlarning faol hujumlari bilan boshlandi.
O'yinning 7-daqiqasida Afonsu Moreyra uzatgan to'pni Endrik darvozaga joylab, hisobni ochdi. 18-daqiqaga kelib Moreyra o'zi ham gol urishga muvaffaq bo'ldi va «Lion»ning ustunligini mustahkamladi.
Maydon egalari birinchi bo'limning o'zidayoq farqni qisqartirishlari mumkin edi, biroq 34-daqiqada belgilangan penaltini Gonsalu Ramush aniq amalga oshira olmadi. O'yin yakuniga yaqin, 90-daqiqada zaxiradan maydonga tushgan Xvicha Kvarasxeliya gol urib, parijliklarning yagona javob to'piga mualliflik qildi.
«PSJ» darvozasini 90 daqiqa davomida rossiyalik darvozabon Matvey Safonov qo'riqladi. Shuningdek, uchrashuvda Usmon Dembele va Fabian Ruis kabi futbolchilar ham zaxiradan maydonga tushishdi.
Ushbu g'alabadan so'ng «Lion» ochkolari sonini 54 taga yetkazib, turnir jadvalida uchinchi o'ringa ko'tarilib oldi. «PSJ» esa 63 ochko bilan hamon Fransiya chempionatida peshqadamlikni davom ettirmoqda.
Keyingi turlardagi natijalar chempionlik poygasidagi vaziyatni yanada oydinlashtiradi.
