Safarov "PSJ" safida navbatdagi quruq o'yinini o'tkazdi Fransiyaning nufuzli L'Équipe nashri Liga 1 ning 26-turi doirasida bo'lib o'tgan "PSJ" va "Nant" uchrashuvi ishtirokchilarini baholadi. Bu haqda Euro-football.ru xabar berdi.
Parijliklar darvozasini daxlsiz saqlagan rossiyalik posbon Matvey Safonov mazkur o'yindagi harakatlari uchun 6 ballga loyiq ko'rildi. Uchrashuv parijliklarning 3:0 hisobidagi ishonchli g'alabasi bilan yakunlandi.
O'yinning eng yaxshi futbolchisi deb topilgan Xvicha Kvarasxeliya dubl qayd etib, 8 ball oldi. Shuningdek, gol mualliflaridan biri Dezire Due 7 ballga loyiq ko'rilgan bo'lsa, jamoaning aksariyat a'zolari Safonov kabi 6 ball bilan baholandi.
Aksincha, Ilya Zabarniy, Dro Fernandes va Uorren Zair-Emerining o'yini nashr tomonidan pastroq — 5 ballga baholangan. Safonov uchrashuvni asosiy tarkibda boshladi va darvozasidan to'p olib chiqmadi.
Ushbu g'alaba evaziga "PSJ" turnir jadvalida "Lans" bilan oradagi farqni yana 4 ochkoga yetkazib oldi. Mazkur ikki jamoa o'rtasidagi to'g'ridan-to'g'ri bahs 13-may kuni bo'lib o'tishi rejalashtirilgan.
