Safonov «PSJ» asosiy tarkibida «Nant»ga qarshi maydonga tushadi

Fransiya chempionatining navbatdagi turida «PSJ» o'z maydonida «Nant» jamoasini qabul qiladi. Bu haqda Euro-football.ru xabar berdi.

Mazkur uchrashuvda rossiyalik darvozabon Matvey Safonov ketma-ket 17-marta parijliklarning asosiy tarkibidan joy oldi. Ma'lumot uchun, Luish Enrike shogirdlari so'nggi turda «Lion» jamoasiga 1:2 hisobida imkoniyatni boy bergan edi.

Shunga qaramay, poytaxtliklar Chempionlar ligasi chorak finali doirasida «Liverpul»ga qarshi o'tkazilgan har ikkala bahsda 2:0 hisobida g'alaba qozonib, o'z darvozasi daxlsizligini saqlab qolganini ta'kidlash joiz. Joriy mavsumda Safonov «PSJ» safida barcha turnirlar doirasida jami 20 ta uchrashuvda maydonga tushdi va o'z darvozasidan 20 ta gol olib chiqdi.

Hozirda jamoa 1-liga turnir jadvalida peshqadamlik qilmoqda. Parijliklar ikkinchi o'rindagi «Lans»dan bir ochko oldinda bormoqda, shu bilan birga «PSJ» hisobida zaxira o'yini ham mavjud.

«PSJ» hamda «Nant» jamoalari o'rtasidagi uchrashuv tafsilotlari saytimiz orqali matnli translyatsiya qilib boriladi.