Braziliyalik hujumchi Endrik va uning turmush o'rtog'i Gabrieli Miranda farzand kutmoqda. Bu haqda Euro-football.ru xabar berdi.
Ijtimoiy tarmoqlarda e'lon qilingan "gender-pati" marosimi aks etgan videolavhalarda maxsus qutidan moviy rangdagi sharlar uchib chiqqanini ko'rish mumkin. Bu juftlikning o'g'il farzandli bo'lishini anglatadi.
Hozirda 19 yoshda bo'lgan braziliyalik futbolchi yil boshidan buyon Fransiyaning "Lion" klubida ijara asosida to'p surmoqda. "Lion" forvardni 2025/2026 yilgi mavsum yakuniga qadar ijaraga olgan.
Endrik yangi jamoasi safida o'tkazgan 18 ta uchrashuvda o'z hisobiga yettita gol va yettita golli uzatmani yozdirib qo'yishga ulgurdi. Ma'lumot uchun, "Lion" jamoasi ayni paytda Fransiya chempionati turnir jadvalida uchinchi o'rinni egallab turibdi.
Jamoa o'zining navbatdagi uchrashuvini 3-may kuni o'z maydonida "Renn" klubiga qarshi o'tkazadi. Yosh hujumchining samaradorligi klubning yuqori o'rinlar uchun kurashida muhim ahamiyat kasb etmoqda.
