O'zbekistonda ekologik muhitni yaxshilash maqsadida yangi loyiha amalga oshirilmoqda. Ushbu tashabbusga ko'ra, 2026 yil 1 maydan boshlab har oyning 10 va 25 sanalari “avtomobilsiz kun” deb e'lon qilinadi. Bu choralar shaharlardagi transport tizimining ortiqcha yuklanishini kamaytirishga qaratilgan.
Belgilangan sanalar davlat xizmatchilariga nisbatan ma’muriy cheklovlarni o'z ichiga oladi. Xususan, ushbu kunlarda davlat xizmatchilarining xizmat avtomobillaridan foydalanishga ruxsat berilmaydi. Lekin, agar “avtomobilsiz kun” ish kuniga to'g'ri kelsa, xodimlarning ish haqi to'liq saqlab qolinadi.
Mutaxassislar ushbu amaliyot havo sifatini yaxshilash, jamoat transportidan foydalanishni rag'batlantirish va aholi ekologik ongini oshirishga xizmat qiladi deb hisblaydilar. Bunday tadbirlar ko'plab davlatlarda muvaffaqiyatli qo'llanilgan va atrof-muhitni muhofaza qilishda samarali ekanligi isbotlangan.
“Avtomobilsiz kun” amaliyoti aholi o'rtasida ekologik mas'uliyatni oshirishga va barqaror transport tizimini yaratishga ko'maklashadi. Ushbu yangilik ekologik vaziyatni yaxshilashga va shaharlar hayot sifatini oshirishga qaratilgan muhim qadam hisoblanadi.
