Rossiya va Belarus vodorod energetikasiga asoslangan og'ir texnikalar ishlab chiqaradi
Rossiyaning «Rostex» davlat korporatsiyasi hamda Belarusning «BelAZ» zavodi Moskva shahrida «Robleks» deb nomlangan qo'shma korxonaga asos soldi. Bu haqda Zamin.uz xabar berdi. Mazkur yangi tuzilma Rossiya hududidagi konlarda vodorod yoqilg'isida harakatlanuvchi samosvallar va haydovchisiz boshqaruv tizimlarini amaliyotga joriy etish bilan shug'ullanadi. Bu haqda Ixbt.com nashri ma'lumot e'lon qildi.
Tuzilgan kelishuvga binoan, «Robleks» korxonasi «BelAZ» zavodi tomonidan tayyorlangan vodorodli va avtonom texnikalarni Rossiya bozorida sotish bo'yicha eksklyuziv huquqni qo'lga kiritdi. Loyihaning strategik maqsadi tog'-kon sanoati sohasida sun'iy intellekt, telemetriya hamda vodorod energetikasini o'zida birlashtirgan yagona texnologik platformani shakllantirishdan iborat.
Mutaxassislar tomonidan berilgan ma'lumotlarga ko'ra, yangi avlod texnikalarini amaliy sinovdan o'tkazish ishlari 2024 yil davomida boshlanadi. Agar ushbu texnologik loyiha kutilgan natijalarni bersa, Rossiya og'ir sanoat tarmog'i uchun ekologik jihatdan xavfsiz va to'liq avtomatlashtirilgan yechimlar bazasiga ega bo'ladi.
Hozirda tomonlar texnik bazani shakllantirish va dasturiy ta'minotni sinov maydonchalariga moslashtirish bosqichida ish olib bormoqda.
