Oila institutini mustahkamlash va farzandlar huquqini himoya qilish

Oila jamiyatning negizi va inson kamolotining ilk maskani hisoblanadi. Bu haqda Zamin.uz xabar berdi.

Aynan shu dargohda shaxs dunyoga keladi, uning dunyoqarashi shakllanadi hamda ma’naviy-axloqiy tarbiya jarayoni kechadi. Davlat va jamiyat farovonligi oilalardagi muhitning sog‘lom hamda totuvligi bilan chambarchas bog‘liqdir.

Shunga qaramay, hozirgi kunda oilaviy munosabatlarni yanada mustahkamlash, nikohdan ajralish holatlarining oldini olish hamda voyaga yetmaganlarning ijtimoiy himoyasini kuchaytirish masalalari o‘ta dolzarb ahamiyat kasb etmoqda. Xususan, oilaviy nizolar oqibatida farzandlarning huquq va manfaatlari cheklanib qolmasligi uchun tizimli ishlar amalga oshirilishi taqozo etiladi.

Voyaga yetmagan shaxslarning manfaatlari himoyasi Majburiy ijro byurosi hamda tegishli huquqni muhofaza qiluvchi organlarning doimiy nazoratida bo‘lib, bu boradagi qonunchilik talablariga rioya etish har bir fuqarodan mas’uliyat talab qiladi. Oila institutini asrab-avaylash nafaqat milliy qadriyat, balki kelajak avlodning barkamol bo‘lib voyaga yetishidagi eng muhim garovdir.

Shu sababli, oilaviy ajrimlarni kamaytirish va kelishmovchiliklarning barvaqt oldini olish bo‘yicha profilaktik tadbirlar sifatini oshirish davr talabidir.