Toshkentlik taniqli san’atkorlar sulolasi vakili, xalqaro miqyosda tanilgan xonanda Nargiz Zokirovaning yaqinda qilgan bayonoti jamoatchilik va media makonida jiddiy e’tirozlarga sabab bo‘ldi. Bu haqda Zamin.uz xabar berdi.
Xonanda o‘zining ijtimoiy tarmoqlardagi chiqishida O‘zbekiston uni yetarlicha qadrlamaganini ta’kidlab, mamlakatdan noroziligini ochiq ifoda etdi. U o‘z so‘zlarida ona yurtidan butunlay voz kechganini bayon qilib, bu qaroriga nisbatan keskin munosabat bildirdi.
Nargiz Zokirovaning ta’kidlashicha, O‘zbekiston uning faoliyatiga nisbatan adolatsiz munosabatda bo‘lgan va bu holat uning vatan bilan bo‘lgan aloqalarini uzishiga turtki bergan. Ushbu bayonot internet foydalanuvchilari orasida qizg‘in bahs-munozaralarni keltirib chiqardi.
Ko‘plab tinglovchilar va tahlilchilar xonandaning bunday keskin va kesatiqli fikrlarini salbiy qabul qilib, uning o‘tmishi va bugungi faoliyatiga oid turli tanqidiy qarashlarni ilgari surishdi. Hozirgi vaqtda mazkur masala ijtimoiy tarmoqlarda keng muhokama qilinmoqda va san’atkorning ushbu xatti-harakati uning kelgusidagi ijodiy obro‘siga qanday ta’sir ko‘rsatishi borasida turlicha taxminlar bildirilmoqda.
Izohlar
0