Toshkent shahar hokimligi tomonidan e’lon qilingan rasmiy ma’lumotga ko‘ra, poytaxtda 2026–2027 yilgi kuz-qish mavsumi uchun markazlashgan isitish tizimi joriy yilning 9 noyabr sanasidan e’tiboran ishga tushiriladi. Bu haqda Zamin.uz xabar berdi.
Issiqlik energiyasini yetkazib berish jarayoni belgilangan tartibga muvofiq bosqichma-bosqich amalga oshiriladi. Dastlabki navbatda, shahar hududidagi umumta’lim maktablari, maktabgacha ta’lim tashkilotlari, tibbiyot muassasalari hamda boshqa ijtimoiy ahamiyatga ega bo‘lgan obyektlar issiqlik energiyasi bilan ta’minlanadi.
Shundan so‘ng, ko‘p kvartirali turar joy binolarining isitish tizimlarini yoqish jarayoni boshlanadi. Hokimlik vakillarining qayd etishicha, tizimni to‘liq va uzluksiz ishlashini ta’minlash maqsadida barcha zarur texnik choralar ko‘rilgan.
Shahar kommunal xizmatlari isitish mavsumini betalofat o‘tkazish hamda aholiga sifatli xizmat ko‘rsatish uchun barcha imkoniyatlarni safarbar etmoqda. Fuqarolardan tizimni ishga tushirish jarayonida yuzaga kelishi mumkin bo‘lgan texnik nosozliklar yuzasidan tegishli boshqaruv servis kompaniyalariga murojaat qilishlari so‘raladi.
Izohlar
0